Top Ad unit 728 أ— 90

جديد

قضايا المجتمع

علاش القمر بعض المرات يبانلينا كبير فالسما



أكبر زوج أسباب علاش القمر بعض المرات يبانلينا كبير فالسما:
ـ السبب الاول هو أنه مابانلكش فالسما ولكن بانلك في صورة (غالبا رائعة وفنية) بعدسة مكبرة.. العدسات المكبرة مايقربوش الاشياء بنفس المقدار، وهاد الشي لأسباب عندها علاقة بالهندسة الاقليدية .. يعني مثلا إذا زوميت على  طفل فنفس الخط تاع الرؤيا مع القمر، المساحة النسبية اللي راح يشدها القمر والطفل فالصورة راح يكونو مختلفين على المساحة النسبية اللي يشدوها فالعين المجردة وبالتالي راح يبانلك القمر عندو حجم قريب من حجم الطفل.. وبالتالي عقلك راح يقول " هاد القمر شحال كبير قرب يولي يبان قد بنادم".


ـ السبب الثاني هو واحد الخداع بصري اشتغل عليه واحد عالم النفس فنهاية القرن تسعطاش .. هو هاد الخداع اللي فالصورة جانبه على اليسار..
نفس الحاجة إلا حطيتيها بجانب أشياء اخرى يقدر يتهيألك أنها أصغر ولا اكبر على حسب الاشياء اللي مجاورين ليها. (ديك الدوايرة اللي فالوسط على اليمين ولا على اليسار عندها فالحقيقة نفس الحجم).
داك الشي علاش القمر باش يكون مسكين مشيّر بوحدو في كبد السماء يبان صغيورخطراش ماعندكش معاواش تقارنو بصريا.. ولكن باش يكون فالافق ويولي يبان هو والمباني فنفس المستوى، ديك الساع تحسّ به كبير خطراش عاندك معاواش تقارنو بصريا.

لاتتركها تقف عندك وبارطاجي
علاش القمر بعض المرات يبانلينا كبير فالسما Reviewed by Tariq Noubli on 15:23 Rating: 5
All Rights Reserved by chechar.info © 2014 - 2015
Powered By Blogger, Designed by Sweetheme

Formulaire de contact

Nom

E-mail *

Message *

Fourni par Blogger.